පවතින අසීරු තත්ත්වය පාලනය කරගැනීම සඳහා සහාය දෙන ලෙසත්, එකට එක්ව ඊට මුහුණ දිය හැකි බවත් අත්යවශ්ය සේවා කොමසාරිස් ප්රභාත් චන්ද්රකීර්ති අවධාරණය කළේය.
අද (16) පස්වරුවේ රජයේ ප්රවෘත්ති දෙපාර්තමේන්තුවේ පැවැති විශේෂ මාධ්ය හමුවේදී අදහස් දක්වමින් ඔහු සඳහන් කළේ බදාදා දිනය රජයේ නිවාඩු දිනයක් ලෙස ප්රකාශයට පත්කිරීමට රජය තීරණය කර ඇති බවයි. ඒ අනුව අත්යවශ්ය සේවා හැර සියලු රජයේ ආයතන, පාසල් සහ විශ්වවිද්යාල බදාදා දිනයේ නිවාඩු බවත්, නැවත දැනුම් දෙන තුරු රජයේ සියලු උත්සව නවත්වන බවත් ඔහු වැඩිදුරටත් දැනුම් දුන්නේය. පෞද්ගලික අංශයට ද මෙය අදාළ වන බව ද පැවසූ ඔහු, මේ සියලු කටයුතු සඳහා ජනතාවගේ සහාය ඉල්ලා සිටියේය. සතියේ අනෙකුත් දිනවලදී සේවකයන් කැඳවීම පිළිබඳ තීරණය කිරීමේ බලය ආයතන ප්රධානීන්ට ලබාදෙන බව ද ඔහු පැවසීය.
මේ මාධ්ය හමුවේදී අදහස් දක්වමින් රාජ්ය පරිපාලන අමාත්යංශයේ ලේකම්වරයා පැවසුවේ 2022 වසරේ නිකුත් කරන ලද රාජ්ය සේවා සීමාකිරීමට අදාළ චක්රෙල්ඛය මෙහිදී ද අදාළ කරගත යුතු බවයි. ඒ අනුව වාහන සහ අනෙකුත් කටයුතු පවත්වාගෙන යා යුතු බව ද ඔහු පැවසීය.
මෙහිදී මාධ්යෙව්දීන් විසින් ඇසූ ප්රශ්නයකට පිළිතුරු දෙමින් අත්යවශ්ය සේවා කොමසාරිස්වරයා පැවසුවේ මාසයකට ප්රමාණවත් ඉන්ධන රට තුළ පවතින බවයි. එසේම ඉන්ධන නෞකා 4ක් මෙරටට පැමිණීම තහවුරු කර ඇති බව ද ඔහු මෙහිදී සදහන් කළේය.