සංවිධානාත්මක අපරාධ කණ්ඩායම් නායකයකු වූ ගනේමුල්ල සංජීව ඝාතනය කළ බවට සැකපිට අත්අඩංගුවට ගත් සැකකරුවන් ව අධිකරණ නියමයන් අනුව හඳුනාගැනීමේ පෙරට්ටුවට ඉදිරිපත් කළද, එම සැකකරුවන් කවුරුන්දැයි සාක්ෂිකරුවන්ට නිශ්චිතව හඳුනාගැනීමට නොහැකි වීම පිළිබඳ ව සැකයක් පවතින බව ශ්රී ලංකා පොලිසිය පවසයි.
අද (11) පැවති විශේෂ ප්රවෘත්ති සාකච්ඡවකට එක්වෙමින් වැඩබලන පොලිස්පති ප්රියන්ත වීරසූරිය මේ බව සඳහන් කළේය.
එසේ හඳුනාගැනීමේ පෙරට්ටුවේදී සැකකරුවන්ව හඳුනානොගත්තේ කිසියම් පාර්ශ්වයක බලපෑමකට නතුව දැයි පොලිසියේ සැකය යොමු වී ඇති බව ඔහු මෙහිදී කියා සිටියේය.
කෙසේ වෙතත් ඒ පිළිබඳව පුළුල් විමර්ශනයක් සිදුකරන බව මාධ්යවේදීන් නැගූ ප්රශ්නවලට පිළිතුරු දෙමින් වැඩබලන පොලිස්පතිවරයා සඳහන් කළේය. එමෙන්ම පොලිසියට විමර්ශන කටයුතු සිදු කිරීමට අනිවාර්යයෙන් මහජන සහාය අත්යවශ්ය බවත්, එය නොමැතිව පොලිසියට මෙම ක්රියාවලිය තනිව සිදු කිරීමට නොහැකි බවත් වැඩබලන පොලිස්පතිවරයා මෙහිදී අවධාරණය කළේය.