අගවිනිසුරු ධුරය සම්බන්ධයෙන් මේ වන විට ආන්දෝලනාත්මක තත්ත්වයක් මතුවෙමින් තිබේ.
වර්තමාන අගවිනිසුරු මුර්දු ප්‍රනාන්දු ලබන ජූලි මාසය අවසානයේ විශ්‍රාම යෑමට නියමිත ය. දැනට ශ්‍රේෂ්ඨාධිකරණයේ සිටින ජ්‍යේෂ්ඨතම විනිසුරුවරයා වන්නේ ප්‍රීති පද්මන් සූරසේන ය.
ජ්‍යේෂ්ඨ නීතිඥයන් සහ අධිකරණ සේවයේ නිලධාරීන් පිරිසක් මීළඟ අගවිනිසුරු ධුරය සම්බන්ධයෙන් සාකච්ඡා කිහිපයක් පවත්වා ඇති බව විශ්වාස කටයුතු ආරංචි මාර්ග සඳහන් කරයි. මේ සාකච්ඡාවලදී ඉදිරි අධිකරණ කටයුතු පිළිබඳව මෙන්ම අධිකරණ සේවයේ ප්‍රතිසංස්කරණ පිළිබඳව ද වැඩි අවධානයක් යොමුකර තිබේ.
පාර්ශ්ව දෙකක් ලෙස මේ සාකච්ඡා පැවැත්වෙන බව වාර්තා වේ. එයින් එක් පාර්ශ්වයක් අධිකරණ සේවයේ සිදු විය යුතු ප්‍රතිස්ංස්කරණ පිළිබඳ අවධානය යොමු කර ඇති බවත්, අනෙක් පාර්ශ්වය අධිකරණ සේවය තමන්ට අවශ්‍ය ආකාරයට වෙනස් කර ගත හැක්කේ කෙසේද යන්න පිළිබඳ අවධානය යොමුකර ඇති බවත් විශ්වාස කටයුතු ආරංචි මාර්ග සඳහන් කරයි.