කඩමින් කලාවේ හැකි උපරිම සීමා
ආවා වගේ අරගෙන එක එක තේමා
ආරංචියකි වඩවන ප්‍රීතිය බෝමා
පායයි රිදී තිරයෙහි යළි හඳ මාමා
සිනමා රංඟනය ගැන පිළිසිඳි ගාය
නිට්ටාවටම මේ වර නම් සුවවේය
රාණිට රඟන්නේ අනුවම තම න්‍යාය
නොපළන් ඔටුනු නිළි රැජිනිය ස්වර්ණාය
ස්වර්ණා සමගමය ඔහු ඇරඹුවෙ ගමන
හදලා චිත්‍රපටි ඇත දහයක් පමණ
එකොළොස්වැන්න ලෙස රාණිට හිත යොමන
සිනමාවයි ඔහුයි කරනා හැටි රමණ
උද්යෝගයක් විය එන්නත් කලින් මෙය
හැදුවා පොස්ටර් ඩිසයින් ඇහැක් අය
එය කැම්පේන් පාරකි නව මගක ගිය
රසිකාගාරයට හඳයා නොමැත ණය
අරගෙන රාණි අම්මා සහ පුතාව
එන්නත් කලින් හඳයා මේ වතාව
ලිව්වා මෙසේ මම මේ ගැන කතාව
දරු දුක තමයි අම්මෙකුගේ ලතාව