2025 මුල් මාස 4 සඳහා රජයේ අතුරු සම්මත ගිණුමෙන් පෙන්නුම් කරන්නේ, පුනරාවර්තන සහ ප්‍රාග්ධන වියදම්, රාජ්‍ය ණය සේවාකරණය සහ ණය ප්‍රතිව්‍යුහගතකරණය කිරීමේ වියදම් වැනි රාජ්‍ය කටයුතු පවත්වාගෙන යෑම සඳහා රුපියල් බිලියන 1,402කට ආසන්න මුදලක් වෙන්කර ඇති බවයි.
2025 පළමු මාස 4 සඳහා වන රජයේ අතුරු සම්මත ගිණුම ඡන්ද විමසීම අද (05) ශ්‍රී ලංකා පාර්ලිමේන්තුවට ඉදිරිපත් කරන ලදී.
ඒ අනුව ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යාංශය සඳහා වැඩිම ප්‍රතිපාදන වෙන් කර ඇති අතර, එම මුදල රු. බිලියන 220.06 කි.
2025 සඳහා වූ රජයේ අතුරු සම්මත ගිණුමේ ප්‍රතිපාදන පහත දැක්වේ.
– ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යාංශය – රු. බිලියන 220.06 කි
– මුදල් හා ආර්ථික සංවර්ධන අමාත්‍යාංශය – රු. බිලියන 186.02 කි
– රාජ්‍ය පරිපාලන, පළාත් සහ ප්‍රාදේශීය සභා අමාත්‍යාංශය – රු. බිලියන 170.47 කි
– සෞඛ්‍ය හා ජනමාධ්‍ය අමාත්‍යාංශය – රු. බිලියන 161.99 කි
– ආරක්ෂක අමාත්‍යාංශය – රු. බිලියන 142.95 කි
– අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශය – රු. බිලියන 92 කි
– කෘෂිකර්ම, වාරිමාර්ග, පශු සම්පත් සහ ඉඩම් අමාත්‍යාංශය – රු. බිලියන 67.36 කි