අධිකරණ සහ ජාතික ඒකාබද්ධතා අමාත්යංශයේ ලේකම් ධුරයට හිටපු සොලිසිටර් ජනරාල් ජනාධිපති නීතිඥ අයේෂා ජිනසේන පත්කර තිබේ.
වසර 30කට අධික කාලයක් නීතිපති දෙපාර්තමේන්තුවේ සේවය කළ ජිනසේන මහත්මිය, මීට පෙර ශ්රේෂ්ඨාධිකරණ විනිසුරු ධුරයකට නිර්දේශ කර තිබුණද, ශ්රේෂ්ඨාධිකරණයේ විනිසුරු පත්කිරීම් සම්බන්ධයෙන් නිකුත් කර තිබූ තහනම් නියෝගයක් හේතුවෙන් එය ක්රියාත්මක නොවීය. ඉන්පසු ඇය විශ්රාම ගියාය.
සෘජු තීරණ ගන්නා නිලධාරිනියක ලෙස ප්රකට ඇය, පාස්කු ඉරිදා ප්රහාරය සම්බන්ධයෙන් සොයාබලන ලද ජනාධිපති කොමිසමේදී නීතිපති දෙපාර්තමේන්තුව නියෝජනය කළාය. එසේම වර්තමාන නීතිපති ධුරයට පත්කෙරුණු පාරින්ද රණසිංහට වඩා ඇය ජ්යෙෂ්ඨ වූ නිසා, එම ධුරයට ඇය ව පත්කරන ලෙස ද ඉල්ලීම් ලැබී තිබිණි.
එහෙත් එවකට ජනාධිපති රනිල් වික්රමසිංහ විසින් ආණ්ඩුක්රම ව්යවස්ථා සභාවට නීතිපති ධුරයට නිර්දේශ කර තිබුණේ පාරින්ද රණසිංහගේ නමයි. පාරින්ද රණසිංහ යනු 1988 – 1991 කාලයේදී හිටපු අග විනිසුරු පාරින්ද රණසිංහගේ පුත්රයෙකි.
31 වැනි නීතිපතිවරයා ලෙස කටයුතු කළ සංජය රාජරත්නම්ට මාස හයක සේවා දිගුවක් ලබාදීම සඳහා දරන ලද දෙවැනි උත්සාහයත් ආණ්ඩුක්රම ව්යවස්ථා සභාවෙන් ප්රතික්ෂේප කිරීමෙන් පසුව ය, මෙසේ පාරින්ද රණසිංහ එම ධුරයට පත්කරන ලද්දේ.