ඉන්දුනීසියාවේ සංචාරක කර්මාන්තය Covid-19 බලපෑම්වලින් මිදීමට උත්සාහ කරමින් සිටියදී රටේ පාර්ලිමේන්තුව නව නීති සම්මත කරමින් රට තුළ සිටින ඕනෑ ම පුද්ගලයෙකුට විවාහයෙන් පිටත ලිංගිකව හැසිරීම තහනම් කරමින් සහ දේශපාලන නිදහස සීමා කරමින් නව අපරාධ නීති සංග්රහයක් සම්මත කර තිබේ.
කෙසේවෙතත් මේ පිළිබඳ අදහස් දක්වමින් සංචාරක කර්මාන්ත ප්රධානීන් පවසන්නේ බොහෝ සංචාරකයින් නිවාඩු ගත කිරීමට සඳහා පැමිණෙන බවත් ඔවුන් සියල්ලන් විවාහකයින් නොවන බවයි. එවැනි පසුබිමක් තුල කොවිඩ් බිය ඉවත් වුවද මෙවැනි නීති හේතුවෙන් සංචාරකයින් සංචාරයේ යෙදීමට බිය වන අතර එය සංචාරක ව්යපාරයට මරු පහරක් වනු ඇති බවද ඔවුන්ගේ අදහසයි.
මෙම නව අපරාධ නීති සංග්රහය වසර තුනකින් ක්රියාත්මක වීමට නියමිත අතර ඉන්දුනීසියානුවන්ට සහ රට තුළ වෙසෙන විදේශිකයන්ට මෙන්ම අමුත්තන්ටද එය අදාළ වේ.
ඒ් අනුව විවාහයෙන් පරිබාහිර ලිංගික ක්රියාවලට වසරක් දක්වා සිර දඬුවමක් නියම කෙරෙනු ඇත.
එමෙන්ම මානව හිමිකම් ක්රියාදරයින් මෙම නව නීති මානව හිමිකම් සඳහා “සිදුවන ව්යසනයක්” ලෙස නම් කර ඇත.
කෙසේ වෙතත් මේ සම්බන්ධයෙන් පසුගිය සතියේ ජකර්තා හි විරෝධතා පැවති අතර, එය අධිකරණයේදී අභියෝගයට ලක් වනු ඇතැයි අපේක්ෂා කෙරේ.