‘පාස්කු ඉරිදා ත්රස්ත ප්රහාර මාලාව සිදු කළ අවස්ථාවට අදාළ දෙමටගොඩ, මහවිල ගාඩ්න්ස්හි පිහිටි නිවසේ පදිංචිව සිටි දෙවැනි සැකකාර ඊබ්රාහිම් ඉල්හාම් අහමඩ් යන අයගේ නිවසේ තිබියදී අපරාධ පරීක්ෂණ දෙපාර්තමේන්තුව අත්අඩංගුවට ගත් රන් භාණ්ඩ, මැණික් ඇතුළු දේපොළ ඔහුගේ සහෝදරයා වන ඉෆ්ලාල් අහමඩ්ට සතියක් ඇතුළත මුදාහරින ලෙස කොළඹ, කොටුව මහෙස්ත්රාත් ඉසුරු නෙත්තිකුමාර අද (25) අපරාධ පරීක්ෂණ දෙපාර්තමේන්තුවට නියෝග කළේය.
පූර්වගාමී මහෙස්ත්රාත්වරයා විසින් මෙම නියෝගය සිදුකර ඇත්තේ විරෝධතා ගොනු කිරීමට සාධාරණ කාලයක් ලබාදීමෙන් අනතුරුව බව කී මහෙස්ත්රාත්වරයා, එසේ නොකරන්නේ නම් අධිකරණයට අගෞරව කිරීම සම්බන්ධයෙන් අපරාධ පරීක්ෂණ දෙපාර්තමේන්තුවට එරෙහිව නෛතික පියවර ගන්නා බව ද අවධාරණය කළේය.
මේ ප්රහාර මාලාවේ කොළඹ ෂැංග්රිලා හෝටලයට බෝම්බ ප්රහාරයක් සිදුකරමින් මියගිය ඊබ්රාහිම් ඉල්හාම් අහමඩ්, දෙමටගොඩ නිවසේ පිපිරී ගිය බෝම්බයෙන් මියගිය ඉන්ෂාෆ් අහමඩ් යන දෙදෙනාගේ සොහොයුරු සහ දෙමටගොඩ නිවසේ පිපිරුණු බෝම්බයෙන් මියගිය ඉන්ෂාෆ් අහමඩ්ගේ බිරිඳ වන ජිෆ්රි ෆාතිමාගේ මස්සිනා වන ඉෆ්ලාල් අහමඩ් එම භාණ්ඩ තමන්ට අයත් බවත්, එම භාණ්ඩ මුදාහරින ලෙසත් නීතිඥවරයකු මාර්ගයෙන් කරන ලද ඉල්ලීමක් සම්බන්ධයෙන් මහෙස්ත්රාත්වරයා මෙම නියෝගය ලබා දුන්නේය.‘
සලෙයි අත්අඩංගුවට ගැනීම සහ ඊට බලපෑ නිශ්චිත හේතු වසාදැමීමේ ඉලක්ක සහිතව සිදුකරමින් සිටින ප්රචාරයට අදාළ සත්ය ප්රවෘත්තිය ඉහත දැක්වේ. එම ප්රචාරයට හේතුකරගෙන සිටින මොහොමඩ් යූසුෆ් මොහොමඩ් ඊබ්රාහිම්ට එරෙහිව කොළඹ, මහාධිකරණ අංක 03හි HC/3072/21 අංක දරන නඩුව විභාග වේ. මේ නියෝගය එම නඩුවට අදාළ නොවන අතර, මෙය වෙන එකකි.